Հոգևոր զրույց և օրհնություն Արտաշատի ծննդատանը
Հոկտեմբերի 7-ին Արարատյան Հայրապետական թեմի Արտաշատի Ս. Հովհաննես եկեղեցու հոգևոր հովիվ Տեր Թաթուլ քահանա Գասպարյանն այցելություն կատարեց Արտաշատի ծննդատուն:
Տեր հայրը հոգևոր զրույց ունեցավ աշխատակազմի հետ, օրհնության կարգ կատարեց և աղոթագրքեր նվիրեց:
Երկար տարիներ բժշկական կենտրոնները և հատկապես ծննդատները թեմի ուշադրության կենտրոնում են: Առաջնորդական փոխանորդ Գերաշնորհ Տ. Նավասարդ արքեպիսկոպոս Կճոյանի օրհնությամբ ծննդատներ հովվական այցելություններ կատարվում են հատկապես Ս. Աստվածածնին նվիրված տոներին ընդառաջ:
Արարատյան Հայրապետական թեմի տեղեկատվական բաժին
- 2016-11-07