Մայիսի 7-9-ը Արարատյան Հայրապետական թեմի առաջնորդական փոխանորդ Գերաշնորհ Տ. Նավասարդ արքեպիսկոպոս Կճոյանի օրհնությամբ Արգավանդի Ս. Սարգիս եկեղեցու համայնքը հոգևոր հովիվ` արժանապատիվ Տ. Գրիգոր քահանա Հովհաննիսյանի առաջնորդությամբ, կազմակերպեց եռօրյա ուխտագնացություն դեպի Արցախ՝ իր հետ տանելով Թեմի եկեղեցական համայնքների կողմից հանգանակված օգնությունը զինվորների և սահմանամերձ բնակիչների համար:

Ուխտագնացները Ստեփանակերտում հյուրընկալվեցին Արցախի թեմի առաջնորդարանում ու ստացան թեմի առաջնորդ Գերնորհ Տ. Պարգև արքեպիսկոպոս Մարտիրոսյանի օրհնությունը:

Ուխտավորները երեք օրերի ընթացքում այցելեցին Ստեփանակերտի, Շուշիի եկեղեցիներ, Դադիվանք, Գանձասար, Ամարաս: Տեր հայրը վերջին երեք եկեղեցիներում Ս. Պատարագ մատուցեց: Կատարվեց նաև Անդաստանի կարգ:

Թեմի համայնքների կողմից հանգանակված օգնությունը` սնունդ, հագուստ, առաջին անհրաժեշտության իրեր, ուխտավորները Աղդամում և Մարտակերտում բաշխեցին սահմանապահներին: Սա արդեն 8-րդ խումբն էր, որ օգնություն էր տանում Արցախ:

Արարատյան Հայրապետական թեմի տեղեկատվական բաժին

Արարատյան Հայրապետական թեմի տեղեկատվական բաժին