Տոնական միջոցառումներ Նոր Նորքի Ս. Սարգիս Եկեղեցու օծման 13-րդ տարեդարձի առիթով Նոր Նորքի Ս. Սարգիս եկեղեցու օծման 13-րդ տարեդարձի առիթով ապրիլի 28-ին եկեղեցում կմատուցվի Ս. Պատարագ: Պատարագից հետո, ժամը 16.00-ին, տեղի կունենա խաչի երթ՝ Նոր Նորք համայնքի վարչական շրջանի հարակից տարածքից դեպի եկեղեցի: Երթին կմասնակցեն համայնքի հանրակրթական դպրոցների շուրջ երկու հազար սաներ: Եկեղեցում քահանաները կներկայացնեն եկեղեցու մասին պատմական ակնարկ, տեղի կունենա օրհնության կարգ:Ապրիլի 30-ին, ժամը 11.00-ին կմատուցվի տոնական պատարագ՝ նվիրված եկեղեցու օծման 13-րդ տարեդարձին: Արարատյան Հայրապետական թեմի առաջնորդական փոխանորդ Բարձրաշնորհ Տ. Նավասարդ արքեպիսկոպոս Կճոյանի տնօրինությամբ այսուհետև այդ օրը՝ ապրիլի 30-ը, կհռչակվի Նոր Նորքի Ս. Սարգիս Եկեղեցու ուխտի օր, և ամեն տարի այդ օրը կմատուցվի տոնական պատարագ: Նույն օրը ժամը 14.00-ին, Նոր Նորքի հայորդյաց տանը տեղի կունենա հանդիսավոր միջոցառում և համերգ՝ նվիրված եկեղեցու օծման 13-րդ տարեդարձին: