Աստծո տասը պատվիրաններն են.

1. «Ես եմ քո Տեր Աստվածը, որ քեզ հանեցի Եգիպտացիների երկրից՝ ստրկության տնից։ Ինձանից բացի այլ աստվածներ չպիտի լինեն քեզ համար»: (Ելի. 20:2-3):

2. «Վերևում՝ երկնքում, ներքևում՝ երկրի վրա, և երկրի խորքի ջրերի մեջ եղած որևէ բանի նմանությամբ քեզ կուռքեր չպիտի կերտես»: (Ելի. 20:4):

3. «Քո տեր Աստծու անունն զուր տեղը չպիտի արտասանես, որովհետև Տերը արդար չի համարում նրան, ով իր անունը զուր տեղն է արտասանում»: (Ելի. 20:7):

4. «Հիշիր շաբաթ օրը, որպեսզի պահես այն»: (Ելի. 20:8):Պատվիրանի մեկնաբանությունը կարդացեք այստեղ:

5. «Պատվիր քո հորն ու քո մորը, որպեսզի բարիք գտնես, երկար ապրես բարեբեր այն երկրի վրա, որ Տեր Աստված տալու է քեզ»։ (Ելի. 20:12):

6. «Մի սպանիր» (Ելի. 20:13):

7. «Մի շնանար» (Ելի. 20:14):

8. «Մի գողանար» (Ելի. 20:15):

9. «Քո հարևանի դեմ սուտ վկայություն մի տուր» (Ելի. 20:16):

10. «Ոչ քո մերձավորի տան, ոչ նրա ագարակի վրա աչք մի ունեցիր։ Ոչ քո մերձավորի կնոջ վրա, ոչ նրա ծառայի վրա, ոչ նրա աղախնու վրա, ոչ նրա եզան վրա, ոչ նրա էշի վրա, ոչ նրա անասունի վրա, ոչ այն ամենի վրա, ինչ քո մերձավորինն է, աչք մի ունեցիր»: (Ելի. 20:17):