Անմոռանալի Հանդիպում Տ. Նավասարդ Սրբազանի հետ
ԱՆՄՈՌԱՆԱԼԻ ՀԱՆԴԻՊՈՒՄ Տ.ՆԱՎԱՍԱՐԴ ՍՐԲԱԶԱՆԻ ՀԵՏ Այսօր՝ նոյեմբերի 21-ին տեղի ունեցավ հանդիպում Արարատյան Հայրապետական թեմի Առաջնորդական Փոխանորդ Գերաշնորհ Տ.Նավասարդ Արքեպիսկոպոս Կճոյանի և ԱՀԹ-ի եկեղեցասեր երիտասարդաց միությունների ներկայացուցիչների հետ: Հանդիպմանը ներկա էին ԱՀԹ-ի երիտասարդաց կառույցների համակարգող, «Արարատ» երիտասարդաց միության հոգևոր հովիվ՝ արժանապատիվ Տեր Պետրոս ավագ քահանա Մալյանը և մի խումբ երիտասարդներ: Հանդպիման ընթացքում Սրբազան Հայրը ամփոփեց և իր գնահատանքի խոսքն ուղղեց երիտասարդներին ս/թ հոկտեմբերի 20-ին տեղի ունեցած ՍԻՐՈ, ՀԱՎԱՏՔԻ և ՀԱՎԱՏԱՐՄՈՒԹՅԱՆ ուխտերթին ԱՀԹ-ի երիտասարդաց միությունների ակտիվ մասնակցության և աջակցության համար:Այս առիթով Արարատյան Հայրապետական Թեմի Առաջնորդական Փոխանորդ Գերաշնորհ Տ. Նավասարդ Արքեպիսկոպոս Կճոյանը Օրհնության և Գնահատանքի գրի արժանացրեց արժանապատիվ Տ.Պետրոս Ավագ քահանա Մալյանին և եկեղեցասեր երիտասարդական միությունների ատենապետներին ու անդամներին:Ջերմ և անմոռանալի այս հանդիպման ընթացքում երիտասարդները Սրբազան Հորը ներկայացրեցին իրենց ապագա անելիքների՝ կրթական, մշակութա-սպորտային և սոցիալական ծրագրերի մասին:Արժանանալով Գերաշնորհ Տ.Նավասարդ Արքեպիսկոպոսի հավանությանն ու օրհնությանը՝ երիտասարդներն է՛լ ավելի զորացած և ոգևորված Աջհամբույրով հրաժեշտ տվեցին սիրելի Սրբազան Հորը:
«Արարատ» երիտասարդաց միություն
- 2013-11-21