Օգոստոսի 3-ին ԱՀԹ Ս. Երրորդություն եկեղեցում տեղի ունեցավ «Մարդու խիղճը» խորագրով հանդիպում հոգևոր հովիվ Տ. Եսայի քահանա Արթենյանի հետ: Զրույցի ընթացքում տեր հայրը խոսեց խղճի մասին, որը միշտ հորդորում է մեզ բարիք գործել, այն Աստծո ձայնն է յուրաքանչյուրիս մեջ, ազատության ձայնն է: Այն կոչված է բացահայտելու չարն ու բարին, որ կոչ է անում ազատագրվել ամեն տեսակ կեղծիքից, չարիքից և մեղավոր իրականությունից, որի մեջ յուրաքանչյուր մարդ կարող է լինել կամա, թե՛ ակամա, գիտակցաբար, թե՛ անգիտակցաբար: ԱՀԹ Ս. Երրորդություն եկեղեցում նման հանդիպումներ կազմակերպվում են յուրաքանչյուր կիրակի՝ ժամը 17:30-ին: Խոսնակը եկեղեցու հոգևոր հովիվ Տեր Եսայի քահանա Արթենյանն է: Քննարկումներին երբեմն նաև հրավիրվում են այլ հոգևորականներ, հոգաբաններ, արվեստագետներ, պատմաբաններ և այլն:
