Օգոստոսի 31-ին և սեպտեմբերի 1-ին Արարատյան Հայրապետական թեմի առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանի բարձր տնօրինությամբ թեմի քահանաներն այցելեցին հանրակրթական դպրոցներ, աշակերտներին ու աշխատակազմին փոխանցեցին Ն.Ս.Օ.Տ.Տ. Գարեգին Բ Ամենայն Հայոց Հայրապետի շնորհավորական ուղերձը: Օգոստոսի 31-ին ԱՀԹ Նոր Նորքի Ս. Սարգիս եկեղեցու հոգևոր հովիվ Տ. Նորայր ավագ քահանա Բաղդասարյանի հրավերով եկեղեցու բակում էին հավաքվել Նոր նորք համայանքի դպրոցիների աշակերտներն՝ իրենց ուսուցիչների ու ծնողների ուղեկցությամբ: Եկեղեցու բակում հավաքված մի քանի հարյուր երեխաների համար եկեղեցու քահանաները  Աշակերտների օրհնության կարգ կատարեցին: Սեպտեմբերի 1-ին Առաջնորդանիստ Ս. Սարգիս եկեղեցու ծիսակատար Տ. Շահե քահանա Հայրապետյանն  այցելեց Սպանդարյանի անվան դպրոց, նրանց փոխանցելով Վեհափառ Հայրապետի շնորհավորական ուղերձը՝ օրհնեց աշակերտներին: Նույն եկեղեցու ծիսակատար Տ. Պարթև քահանա Մուրադյանը և հոգևոր սպասավոր Հովհաննես քահանա Ներսեսյանն այցելեցին Հակոբ Կարապենցի անվան Երևանի թիվ 6  հիմնական դպրոց և Շ.Շահամիրյանի անվան կրթահամալիր: Երևանի Ս. Հովհաննես եկեղեցու հոգևոր հովիվ Տեր Վահան քահանա Առաքելյանն այցելեց Է.Թելմանի անվան թիվ 13 դպրոց: Ուսումնական տարվա սկիզբն այստեղ մեկնարկեց Տերունական աղոթքով, ապա Տեր հայրը Աշակերտների օրհնության կարգ կատարեց և ընթերցեց  Վեհափառ Հայրապետի ուղերձը: Զորավոր Ս. Աստտվածածին եկեղեցու ծիսակատար Տ. Զենոն քահանա Բարսեղյանն այցելեց Գրիգոր Զոհրապի անվան դպրոց ու կատարեց Աշակերտների օրհնության կարգ: Ավանի Ս.Աստվածածին եկեղեցու հոգևոր հովիվ Տեր Հարություն քահանա Ավագյանը գիտելիքի տոնը շնորհավորեց և օրհնության խոսք ասաց Երևանի թիվ 171,87,104 և 124 դպրոցներում: Նորագավիթի Ս.Գևորգ եկեղեցու հոգևոր հովիվ Տ.Վարդան քահանա Գափոյանն այցելեց Նորագավիթի թիվ 98 և 140 դպրոցներ, իսկ Մալաթիայի Ս.Աստվածածին եկեղեցու հոգևոր հովիվ Տ.Տիրան քահանա Առուշանյանն այցելեց Մալաթիայի թիվ 195 դպրոց: Նույն եկեղեցու ծիսակատար Տ.Գաբրիել քահանա Պետրոսյանն այցելեց Վ.Թեքեյանի անվան թիվ 92 դպրոց: Քանաքեռի Ս.Հակոբ եկեղեցու հոգևոր հովիվ Տ.Սահակ ավագ քահանա Սահակյանը եկեղեցում օրհնեց թիվ 85,103 և 117 դպրոցների աշակերտներին: Արաբկիր համայնքի հոգևոր հովիվ Տ.Բաբկեն քահանա Հայրապետյանն այցելեց Ն.Զարյանի անվան թիվ 130 դպրոց: Արարատի Ս. Հակոբ եկեղեցու հոգևոր հովիվ Տ. Դավիթ քահանա Սահակյանն այցելեց Արարատ համայնքի Վազգեն Սարգսյանի անվան թիվ 1,  ապա՝ 2 և  3 դպրոցներ, Աշակերտների օրհնաթյան կարգ կատարեց և մաղթեց արգասավոր ուսումնական տարի: Մրգավանի Ս.Հակոբ եկեղեցու հոգևոր հովիվ Տ. Մխիթար քահանա Ալոյանն այցելեց Արտաշատի թիվ 3 դպրոց: Բյուրավանի Ս.Գրիգոր Լուսավորիչ եկեղեցու հոգևոր հովիվ Տ.Ղազար քահանա Պետրոսյանն այցելեց Բյուրավանի և Նշավանի միջնակարգ դպրոցներ: Արգավանդի Ս. Սարգիս եկեղեցու հոգևոր հովիվ Տ.Գրիգոր քահանա Հովհաննիսյանը գիտելիքի օրվա կապակցությամբ այցելեց և օրհնեց Արգավանդ, Գեղանիստ, Արբաթ, Ազատաշեն, Խաչփառ, Ղուկասավան գյուղերի դպրոցների աշակերտներին, ուսուցիչներին և ծնողներին: Բոլոր դպրոցների առաջին դասարանցիներին տեր հայրը նվիրեց ամենօրյա աղոթագրքեր: Վերին Արտաշատի Ս.Աստվածածին եկեղեցու հոգևոր հովիվ Տ.Դավիթ քահանա Կյուրեղյանն այցելեց Վերին Արտաշատի, Նորաշենի և Արտաշատի Հ.Թումանյանի անվան թիվ 2 դպրոցներ: Ներքին Դվինի Ս.Հարություն եկեղեցու հոգևոր հովիվ Տ.Երվանդ քահանա Բաբայանն այցելեց գյուղի միջնակարգ դպրոց, օրհնության կարգ կատարեց: Վեդիի Ս.Աստվածածին եկեղեցու հոգևոր հովիվ Տ.Հովակիմ քահանա Հարությունյանն այցելեց Արալեզի և Վանաշենի միջնակարգ դպրոցներ: Դալարի Ս.Աստվածածին եկեղեցու հոգևոր հովիվ Տ.Եփրեմ քահանա Հարությունյանն այցելեց Դալարի միջնակարգ դպրոց: Արևշատ գյուղի Ս.Աստվածածին եկեղեցու հոգևոր հովիվ Տ.Արարատ քահանա Օրդյանն այցելեց Արևշատ,Աբովյան, Վարդաշեն համայնքների միջնակարգ դպրոցներ և Մասիսի թիվ 5 ավագ դպրոց: Մասիս քաղաքի Ս.Գևորգ եկեղեցու հոգևոր հովիվ Տ.Աշոտ քահանա Սաֆարյանն այցելեց Մասիսի թիվ 1,2,3,4,5,6 և Նորաբացի միջնակարգ դպրոցներ: Մխչյանի Ս.Հովհաննես եկեղեցու հոգևոր հովիվ Տ. Միքայել քահանա Նուրիջանյանն այցելեց Մխչյանի միջնակարգ դպրոց: