Կ. Պոլսի հայոց պատրիարքական փոխանորդ Տ. Արամ արքեպիսկոպոսը հյուրընկալվեց Արարատյան Հայրապետական թեմում
Նոյեմբերի 9-ին ԱՀԹ առաջնորդական փոխանորդ գերաշնորհ Տ.Նավասարդ արքեպիսկոպոս Կճոյանը հյուրընկալեց Կ. Պոլսի հայոց պատրիարքական փոխանորդ գերաշնորհ Տ. Արամ արքեպիսկոպոս Աթեշյանին:
Սրբազան հայրերին թափորով դիմավորեցին և մինչև ս. Սարգիս առաջնորդանիստ եկեղեցի ուղեկցեցին ԱՀԹ երիտասարդաց միությունների անդամները:
Ս. պատարագը հանդիսապետում էր Տ. Արամ արքեպիսկոպոս Աթեշյանը: Օրվա պատարագիչն էր Տ. Հայկազուն քահանա Մկրտչյանը, ով հավուր պատշաճի քարոզ խոսեց:
Հավարտ ս. պատարագի առաջնորդական փոխանորդ սրբազան հայրը հրավիրեց հավատացյալ հայորդիներին աղոթել վասն ապաքինման Կ.Պոլսի ամենապատիվ Տ. Մեսրոպ արքեպիսկոպոս Մութաֆյանի:
- 2014-11-12