Շնորհավո՛ր Սուրբ Սարգսի տոնը
Տասը տարի առաջ Նավասարդ սրբազանից առաջադրանք ստացանք՝ սկսել նշել Սուրբ Սարգսի տոնը տոնակատարություններով:
Արամ Խաչատրյան մեծ համերգասրահում կազմակերպվեց տոնի հոգևոր, ազգային խորհրդանիշերով համեմված էստրադային համերգ:
Տոնը խորհրդանշող հազարավոր հուշանվերներ և բացիկներ պատրաստվեցին, որոնք սրահի մուտքի մոտ բաժանում էին Արարատյան թեմի երիտասարդները:
Բնակաբանար համերգին և տոնակատարություններին մասնակցել ցանկացողների թիվը շատ աավելի մեծ էր:
Դա նկատի ունենալով Նավասարդ սրբազանի տնօրինությամբ տոնակատարությունները սկսեցինք կազմակերպել բացօթյա և առանց հրավիրատոմսերի:
Այսօր արդեն տոնի խորհրդանիշ նվերաբաշխ ձիավորին Սուրբ Սարսգի տոնին նախընթաց օրերին տեսնում ենք Սուրբ Սարգիս անունը կրող եկեղեցիների բակերում, քաղաքի տարբեր վայրերում, ուր կազմակերպվում են տոնախմբությունները:
Զորամասերում ծառայող զինվորներին, զինվոր ուսանողներին, հիվանդանոցներում բուժվող երիտասարդներին տոնն այցելում է հոգևորականների օրհնությամբ, տոնական ծրագրերի, ինտելեկտուալ մրցույթների, նվերների ուղեկցությամբ:
10-ը տարի առաջ մենք ուրախանում էինք տոնի անգամ ամենափոքրիկ արտահայտչամիջոցին…
Կարելի՞ է փաստել, որ այսօր տոնին արդեն վաղուց պատրաստ ենք:
Կուզենանք լսել Ձեր խոսքը, կարծիքը, շնորհավորանքը:
Արտահայտվե՛ք:
Ահել, թե ջահել, Սուրբ Սարգսի տոնը շնորհավո՛ր:
Թող Սրբի բարեխոսությամբ իրականան Ձեր գեղեցիկ, նվիրական երազանքները:
Մեծ սիրով՝ Qahana.am կայքի խմբագրություն:
- 2015-01-31