Տնօրհնեք Վեդու պոլիկլինիկայում
Փետրվարի 12-ին ԱՀԹ Վեդիի ս.Աստվածածին եկեղեցու հոգևոր հովիվ Տ.Հովակիմ քահանա Հարությունյանը տնօրհնեքի արարողություն կատարեց Վեդի քաղաքի պոլիկլինիկայում և նրան կից մանկական բաժանմունքում, օրհնված ջուր ցողեց հաստատության բոլոր սենյակներում:
Տեր հայրը ներկաներին փոխանցեց ԱՀԹ առաջնորդական փոխանորդ գերաշնորհ Տ.Նավասարդ արքեպիսկոպոսի օրհնությունը, ապա իր գնահատանքը բերեց բուժանձնակազմի անդուլ աշխատանքի համար: Մեծ էր ներկաների ոգևորությունն ու հուզմունքը, ովքեր սկզբից մինչև վերջ իրենց աղոթքները միախառնեցին արարողությանը:
Արարողության ավարտին Տեր հայրը օրհնեց 180 աղոթագիրք և բաժանեց ներկաներին:
Իրենց շնորհակալական խոսքն ասացին բուժ հաստատության վարիչ Հարություն Եղոյանը, բժիշկ Մելքոն Թալոյանը:
Արարատյան Հայրապետական թեմի տեղեկատվական բաժին
- 2015-02-12