Նորակազմ ծխական խորհրդի ժողովը
Մարտի 17-ին Արարատյան Հայրապետական թեմի առաջնորդական փոխանորդ գերաշնորհ Տ.Նավասարդ արքեպիսկոպոսի օրհնությամբ առաջնորդարանում գումարվեց առաջնորդանիստ ս.Սարգիս եկեղեցու նորակազմ ծխական խորհրդի առաջին լիագումար ժողովը:
Ժողովը նախագահում էր առաջնորդանիստ ս.Սարգիս եկեղեցու հոգևոր հովիվ Տ.Պետրոս ավագ քահանա Մալյանը:
Հանդիպումը սկսեց Տերունական աղոթքով, ապա Տեր հայրը ներկաներին փոխանցեց Տ.Նավասարդ արքեպիսկոպոսի օրհնությունը:
Հանդիպման ընթացքում խոսվեց ս.Սարգիս եկեղեցում և նրա հարակից տարածքում իրականացված և առաջիկայում իրականացվող աշխատանքների մասին:
Առաջարկվեց եկեղեցու համայնքի հետ ծրագրեր իրականացնել և ներգրավել նաև թեմի երիտասարդներին:
Նորակազմ ծխական խորհրդի ատենապետ ընտրվեց Արման Վարդանյանը:
Առաջիկայում ծխական խորհուրդը կհանդիպի Տ. Նավասարդ սրբազանի հետ՝ ստանալու նրա հայրական օրհնությունը:
Արարատյան Հայրապետական թեմի տեղեկատվական բաժին
- 2015-03-14