Մարտի 27-ին ԱՀԹ Մալաթիայի ս.Աստվածածին եկեղեցու հոգևոր հովիվ Տ. Տիրան քահանա Առուշանյանն այցելեց Մալաթիա-Սեբաստիա համայնքի հ.88 մանկապարտեզ: Այստեղ Ծաղկազարդին նվիրված միջոցառում էր կազմակերպվել:

Տեր հայրը ներկաներին փոխանցեց առաջնորդական փոխանորդ գերաշնորհ Տ.Նավասարդ արքեպիսկոպոսի օրհնությունը: Խոսեց Ծաղկազարդի տոնի մասին, մեկնեց Ավագ շաբաթվա օրերի խորհուրդները, կոչ արեց ծնողներին, որպեսզի կիրակի՝ մարտի 29-ին, երեխաներին տանեն եկեղեցի օրհնություն ստանալու:

Արարատյան Հայրապետական թեմի տեղեկատվական բաժին