Ծաղկազարդի և Սուրբ Զատկի տոներն ԱՀԹ Արարատ քաղաքի մանկապարտեզում
Ապրիլի 7-ին ԱՀԹ Արարատի ս. Հակոբ եկեղեցու հոգևոր հովիվ Տ.Դավիթ քահանա Սահակյանն այցելեց Արարատ քաղաքի հ. 2 մանկապարտեզ, որտեղ միջոցառում էր կազմակերպվել Ծաղկազարդի և Սուրբ Հարության տոների առթիվ:
Տեր հայրը մանուկներին փոխանցեց առաջնորդական փոխանորդ գերաշորհ Տ. Նավասարդ արքեպիսկոպոսի օրհնությունն ու շնորհավորանքը Ս. Զատկի առթիվ, խոսեց տոների խորհրդի մասին, կարևորեց հոգևոր թեմաներով միջոցառումները մանկապարտեզում, քանի որ ըստ Տեր հոր, մանուկ հասակում սովորածը դաջվում է երեխայի մտավոր հորիզոնում և այն երբեք չի մոռացվում: Տեր հայրն իր խոսքում նշեց նաև, որ այսօր Հայ Եկեղեցու շնորհիվ են հոգևոր տոները մուտք գործում մանկապարտեզ և երեխաները հնարավորություն ունենում շարականներ և աղոթքներ սովորել:
Միջոցառման ավարտին Տեր հայրը կատարեց Մանուկների օրհնության կարգ և Տնօրհնեքի արարողություն:
Արարատյան Հայրապետական թեմի տեղեկատվական բաժին
- 2015-04-07