Ապրիլի 11-ին Հայ Առաքելական Սուրբ Եկեղեցին նշեց ս. Հովհաննես Մկրտչի գլխատման հիշատակության օրը: Այն Արարատյան Հայրապետական թեմի Մխչյանի ս. Հովհաննես եկեղեցու ուխտի օրն է: Այդ օրը եկեղեցին բազմաթիվ ուխտավորներ է ունենում: Տ. Նավասարդ արքեպիսկոպոսի օրհնությամբ եկեղեցու հոգևոր հովիվ Տ. Միքայել քահանա Նուրիջանյանն ու համայնքը ամեն տարի կազմակերպում են տոնախմբություն: Առավոտյան եկեղեցում մատուցվեց ս. պատարագ: Պատարագիչը ԱՀԹ Վեդու ս. Աստվածածին եկեղեցու հոգևոր հովիվ Տ. Հովակիմ քահանա Հարությունյանն էր: Հավարտ ս. պատարագի եկեղեցու բակում մատաղ հյուրասիրվեց: Այստեղ ցուցադրված էին եկեղեցու կիրակնօրյա դպրոցի սաների ձեռքի աշխատանքները: Գյուղի պարի խմբի և կիրակնօրյա դպրոցի երգչախմբի մասնակցությամբ տեղի ունեցավ տոնական համերգ:

Արարատյան Հայրապետական թեմի տեղեկատվական բաժին