Տնօրհնեք ԱՀԹ Բաղրամյան գյուղի դպրոցում
Ապրիլի 16-ին ԱՀԹ Դալարի ս.Աստվածածին եկեղեցու հոգևոր հովիվ Տ.Եփրեմ քահանա Հարությունյանն այցելեց Բաղրամյան գյուղի Թ.Փոստանջյանի անվան դպրոց, որտեղ Սուրբ Զատիկի տոնին նվիրված միջոցառում էր կազմակերպվել:
Խոսելով տոնի և դպրոցում դպրոցում տարված աշխատանքների մասին՝ Տեր հայրը մասնավորապես ասաց. «Այս դպրոցի բոլոր դասարաններում նման աշխատանքները մեծ նվիրումով են իրականացնում: Ս. Հարությունը գագաթնակետն է, առանց որի խավարի մեջ կլինեինք, անգամ հայերս ցեղասպանությունն ենք այս խորհրդով վերապրել»: Տեր հայրը մաղթեց, որ Ս. Հարության տոնն օջախներում լույս և օրհնություն բերի:
Դպրոցի տնօրեն Ռուզաննա Թադևոսյանը բարձր գնահատեց երեխաների հետ հոգևոր դաստիարակությանը վերաբերող աշխատանքները:
Միջոցառման ավարտին Տեր հայրը Տնօրհնեքի կարգ կատարեց և Պահպանիչ աղոթք կարդաց:
Արարատյան Հայրապետական թեմի տեղեկատվական բաժին
- 2015-04-16