Ապրիլի 26-ին ԱՀԹ Զորավոր ս. Աստվածածին եկեղեցու «Զորավոր» երիտասարդաց միությունը հոգևոր պատասխանատու Տ. Զգոն քահանա Աբրահամյանի գլխավորությամբ այցելեց Մարի Իզմիրլյանի անվան մանկատուն:

Տեր Զգոնը մանկատան տնօրինությանը, մանկավարժներին և երեխաներին փոխանցեց ԱՀԹ առաջնորդական փոխանորդ գերաշնորհ Տ. Նավասարդ արքեպիսկոպոսի օրհնությունը, բժշկության ավետարան կարդաց հիվանդ երեխաների համար:

Հյուրերը երեխաներին բաժանեցին միրգ, քաղցրավենիք, խաղալիքներ և հիգիենիկ պարագաներ, իսկ նրանց հետ այցելած ծաղրածուն զվարճացրեց երեխաներին՝ խաղերով, երգ ու պարով:

ԱՀԹ մի շարք եկեղեցիների երիտասարդաց միություններ և քահանաներ հաճախ են այցելում այս մանկատուն, նյութական ու հոգևոր աջակցություն ցուցաբերում մանկատան սաներին:

Արարատյան Հայրապետական թեմի տեղեկատվական բաժին