Մայիսի 14-ին ՝ Համբարձման տոնին, ԱՀԹ Բարձրաշենի դեռ չկառուցված եկեղեցու հիմքերի մոտ Բյուրավանի ս. Գրիգոր Լուսավորիչ եկեղեցու հոգևոր հովիվ Տ. Ղազար քահանա Պետրոսյանի գլխավորությամբ եկեղեցու համայնքը երիտասարդների և պատանիների հետ Համբարձման տոնական միջոցառում իրականացրեց:

Մինչ միջոցառումը Տեր հայրն անդաստանի արարողություն կատարեց, որից հետո Բյուրավանի ս.Գրիգոր Լուսավորիչ եկեղեցու երիտասարդաց միությունն ու Բարձրաշենի երեխաները հանդես եկան տոնին նվիրված երգերով և ազգագրական պարերով: Միջոցառումից հետո կատարվեց մատաղի հյուրասիրություն:

Արարատյան Հայրապետական թեմի տեղեկատվական բաժին