Ս. Ստեփանոսի տոնն՝ ուխտի օր
Ս. Ստեփանոսի տոնին՝ դեկտեմբերի 26-ին, Արարատյան Հայրապետական թեմի Նորք Մարաշի Ս. Աստվածածին եկեղեցու երիտասարդաց միության անդամները և հավատացյալները Տ. Թովմա քահանա Անդրեասյանի առաջնորդությամբ ուխտագնացություն կատարեցին Նորքի Ս. Ստեփանոս եկեղեցու ավերակների վրա կառուցած մատուռ:
Մատուռում Տ. Թովման և դպիրները կատարեցին ժամամուտի արարողություն, որի ընթացքում ընթերցեցին Գործք Առաքելոց գրքից Ստեփանոս սարկավագի քարոզը և նահատակության պատմությունը:
Սա արդեն երկրորդ տարին է, ինչ Ս. Ստեփանոսի տոնին Նորքի Ս. Աստվածածին եկեղեցու երիտասարդներն այցելում են այդ մատուռ, որը դարձել է նրանց համար ուխտի օր։
Արարատյան Հայրապետական թեմի տեղեկատվական բաժին
- 2016-12-29