Մայիսի 18-ը զոհված ազատամարտիկների հիշատակի օրն է
Մայիսի 18-ին Վեդի քաղաքի պանթեոնում, ուր հանգչում են Արցախյան հերոսամարտում զոհված ազատամարտիկների աճյունները, ԱՀԹ Վեդու ս. Աստվածածին եկեղեցու հոգևոր հովիվ Տ. Հովհակիմ քահանա Հարությունյանը կատարեց հոգեհանգստյան կարգ:
Վեդու ավագ դպրոցի սաները հիշատակի միջոցառում էին կազմակերպել: Հնչեցին զոհված ազատամարտիկների անմահ հիշատակին ձոնված խոսքեր:
23 տարի առաջ ` մայիսի 18-ին, Երասխավանի բարձրունքներում արյունոտ մարտեր ծավալվեցին հայ ազատամարտիկների և ազերի ելուզակների միջև: Մի քանի օր տևած այդ մարտերը տասյնակ հայ երիտասարդների կյանք խլեցին: Թող նրանց հիշատակը հավերժ լինի:
Յիշատակ արդարոց օրհնութեամբ եղիցի:
Արարատյան Հայրապետական թեմի տեղեկատվական բաժին
- 2015-05-18