Բյուրավանի ս.Գրիգոր Լուսավորիչ եկեղեցում ամփոփվեցին հոգևոր բակային ճամբարները
Հունիսի 13-ին ԱՀԹ Բյուրավանի ս. Գրիգոր Լուսավորիչ եկեղեցում հոգևոր հովիվ Տ.Ղազար քահանա Պետրոսյանի գլխավորությամբ տեղի ունեցավ Բյուրավան, Նշավան, Ջրաշեն, Հովտաշեն, Բարձրաշեն, Զովաշեն համայնքներում անցկացված մեկշաբաթյա հոգևոր բակային ճամբարների փակման միջոցառումը: Երեխաները հանդես եկան ուրախ երգուպարով և բեմադրություններով: Ջոկատավարները եկեղեցու կողմից նվերեր ստացան:
Հոգևոր ճամբարը մեկնարկել էր հունիսի 8-ից ԱՀԹ առաջնորդական փոխանորդ գերաշնորհ Տ. Նավասարդ արքեպիսկոպոսի օրհնությամբ:
Արդեն չորրորդ տարին է, որ Տ. Ղազարի նախաձեռնությամբ կազմակերպվում են մեկշաբաթյա հոգևոր բակային ճամբարներ:
Երեխաներն այստեղ սովորում են աղոթքներ, շարականներ, ծանոթանում աստվածաշնչյան հոգևոր պատմություններին:
Ամառվա ընթացքում բակային ճամբարներ կկազմակերպվեն Արարատյան Հայրապետական թեմի այլ համայնքներում ևս:
Արարատյան Հայրապետական թեմի տեղեկատվական բաժին
- 2015-06-13