Աշակերտների օրհնության կարգ՝ Արարատյան Հայրապետական թեմում
Ուսումնական տարին սկսվեց: Ավանդական ողջույնների ու շնորհավորանքների հետ մեկտեղ դպրոցներում հոգևոր խոսքով և Աստծո օրհնությամբ է մեկնարկում ուսումնական տարին: Աշակերտներն իրենց ուսուցիչների ու ծնողների հետ այցելում են եկեղեցի, դպրոց են հրավիրում հոգևորականներին:
Մեր կյանքում դպրոցի առաքելություններից մեկը, բացի գիտելիք փոխանցելը, նաև հոգևոր ու ազգային դաստիարակությունն է, ինչն անհնար է պատկերացնել առանց Հայ Եկեղեցու և Աստծո օրհնության:
Այս տարի ևս սեպտեմբերի 1-ին ԱՀԹ առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանի օրհնությամբ թեմի քահանաներն այցելեցին հանրակրթական դպրոցներ, աշակերտներին ու աշխատակազմին փոխանցեցին իրենց հայրական օրհնությունն ու շնորհավորանքը գիտելիքի օրվա կապակցությամբ: Մի շարք դպրոցներում Հայ Եկեղեցու պատմության առաջին դասն անցկացրին թեմի քահանաները:
Արարատյան Հայրապետական թեմի տեղեկատվական բաժին
- 2015-09-01