Երիտասարդ ստեղծագործողները պատրաստվում են Ս. Սարգսի տոնին
Ս. Սարգիս զորավարի տոնին ընդառաջ հոկտեմբերի 22-ին ԱՀԹ առաջնորդական փոխանորդ գերաշնորհ Տ.Նավասարդ արքեպիսկոպոս Կճոյանի օրհնությամբ Գեղարվեստի պետական ակադեմիայում կազմակերպվեց հանդիպում ուսանողների հետ:
ԱՀԹ Ներքին Դվինի և Մարմարաշենի այցելու հովիվ Տ. Շմավոն քահանա Ղևոնդյանը և բուհերի հոգևոր պատասխանատու Գեղամ սարկավագ Ավետիսյանը ուսանողներին ներկայացրեցին Ս. Սարգսի տոնի խորհուրդը, սրբի վարքը, տոնի առթիվ կազմակերպվող ամենամյա ցուցահանդես- մրցույթի պայմանները:
Հանդիպման նպատակն էր օգնել երիտասարդ ստեղծագործողներին մրցույթին մասնակցել թեմատիկ գործերով: Մրցույթի թեման սերն է՝ իբրև աստվածային շնորհ:
«Աստծուց տրված շնորհն արտահայտեք ստեղծագործությունների միջոցով, որոնց միջոցով մարդիկ Ս. Սարգսի տոնին հաղորդակից կդառնան: Այդ կերպ կլինեք քրիստոնեության քարոզչիչը, ջատագովը», - զրույցի ընթացքում նշեց Տ. Շմավոնը:
Ս. Սարգիս զորավարի տոնի առթիվ Տ. Նավասարդ Սրբազանի օրհնությամբ արդեն երկրորդ անգամ տոնական ցուցահանդես-մրցույթներ են կազմակերպվում ստեղծագործական ուղղվածություն ունեցող բուհերում և ուսումնական հաստատություններում: Ուսանողները մրցույթներում ներկայացնում են գեղանկարչության, գրաֆիկայի, դիզայնի աշխատանքներ և Արարատյան Հայրապետական թեմի կողմից արժանանում են դրամական մրցանակների ու պատվոգրերի:
Ցուցահանդես-մրցույթի մասնակից ուսանողները նաև հնարավորություն կստանան ներկայացնել աշխատանքները Բուն Բարեկանդանի առթիվ Արարատյան Հայրապետական թեմի երիտասարդական կառույցների կողմից կազմակերպվող մեծ ցուցահանդես-վաճառքում:
Մրցույթի պայմաններ.
- 2015-10-22