Ծառատունկ Ծիծեռնակաբերդի հուշահամալիրի տարածքում
Նոյեմբերի 14-ին ԱՀԹ առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանի օրհնությամբ թեմի մի խումբ երիտասարդներ միությունների համակարգող Տ. Պետրոս ավագ քահանա Մալյանի գլխավորությամբ Ծիծեռնակաբերդի հուշահամալիրի տարածքում մասնակցեցին Երևանի քաղաքապետարանի կողմից կազմակերպված ծառատունկին:
ԱՀԹ երիտասարդաց միություններն իրենց ներկայացուցիչներն ունեն Երևանի քաղաքապետին կից երիտասարդների հարցերով խորհրդում, որի միջոցով ակտիվ մասնակցությունն են ցուցաբերում Երևանի քաղաքապետարանի կողմից անցկացվող միջոցառումներին և դրանց կազմակերպչական աշխատանքներին:
Արարատյան Հայրապետական թեմի տեղեկատվական բաժին
- 2015-11-14