Նոյեմբերի 17-ին ԱՀԹ առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանը ընդունեց թեմի երիտասարդական կառույցների համակարգող համակարգող Տ. Պետրոս ավագ քահանա Մալյանին և թեմի երիտասարդաց միությունների ներկայացուցիչներին: Սրբազան հայրը դրվատանքի խոսքեր ասաց երիտասարդներին՝ ակտիվ գործունեության համար, որը ծավալում են թե՛ թեմական կյանքում, թե՛ թեմական կառույցներից դուրս: 

Տ. Նավասարդ Սրբազանը նրանց հանձնեց Երևանի քաղաքապետ Տարոն Մարգարյանի կողմից տրված շնորհակալագրերը, որոնց արժանացել են մայրաքաղաքի 2797-րդ տարեդարձին նվիրված «Էրեբունի- Երևան» տոնակատարության միջոցառումներին մասնակցելու և ներդրած ավանդի համար:
 

Արարատյան Հայրապետական թեմի տեղեկատվական բաժին