Դեկտեմբերի 19-ին ԱՀԹ առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանի օրհնությամբ Արգավանդի Ս. Սարգիս եկեղեցու երիտասարդաց միությունը հոգևոր հովիվ Տ. Գրիգոր քահանա Հովհաննիսյանի գլխավորությամբ Ղուկասավանի դպրոցում կազմակերպեց ձմեռային միջդպրոցական սպորտային խաղերի մրցույթ` նվիրված Ս. Ծնունդին: Մրցույթին մասնակցեցին Տեր հոր հովվության տակ գտնվող 6 գյուղերի՝ Արգավանդի Գեղանիստի, Ազատաշենի, Ղուկասավանի, Արբաթի և Խաչփարի դպրոցների 6-9-րդ դասարանների աշակերտները: Սպորտլանդիան անցկացվեց 4 փուլով: 
 

Մրցույթը սկսվեց Տերունական աղոթքով, որին հաջորդեց թեժ և ուրախ պայքարը աշակերտների միջև: Ժյուրին կազմված էր դպրոցների ներկայացուցիչ-ուսուցիչներից: Միավորների վերջնահաշվարկում հաղթող ճանաչվեց Խաչփարի դպրոցը, երկրորդ տեղում էր Գեղանիստի, իսկ երրորդ տեղում` Ղուկասավանի դպրոցը:

Հաղթողների պարգևատրումը տեղի կունենա հունվարի 10-ին Արգավանդի Ս. Սարգիս եկեղեցում:
Սուրբ Ծննդյան տոների առթիվ երիտասարդաց միությունը նախատեսում է նույն դպրոցների միջև անցկացնել նաև ինտելեկտուալ մրցույթ, որի ամփոփումը տեղի կունենա հունվարի 23-ին` Ս. Սարգսի տոնին, Արգավանդի Ս. Սարգիս եկեղեցում:
 

Արարատյան Հայրապետական թեմի տեղեկատվական բաժին