Այսօր Ն.Ս.Օ.Տ.Տ. Գարեգին Բ Ամենայն Հայոց Հայրապետի անվանակոչության տոնն է
Վեհափառ Տեր,
Արարատյան Հայրապետական թեմի քահանայից դասի, հավատացյալ հայորդյաց և թեմի պաշտոնեության անունից շնորհավորում ենք Ձերդ Սրբության անվանակոչության տոնն՝ աղոթք բարձրացնելով առ Աստված, որ Տերը ծաղկուն պահի Ձեր հովվապետական գավազանը՝ հովվելու և առաջնորդելու հավատավոր Ձեր հոտին բազում տարիներ: Ս. Վարդանանց նահատակությունն ապրված հայրենասիրության ու քրիստոսասիրության այն ոգին է, որով առաջնորդում եք ամենքիս՝ «կյանք իմացյալ անմահություն է» տեսլականով և Վարդանանց քաջ զավակները լինելու գիտակցությամբ: Հայցում ենք Բարձրյալից, որ Տերը Ձերդ Սրբությանը պարգևի քաջառողջություն, երկար արևշատ տարիներ՝ ի բարօրություն մեր Առաքելական Սուրբ Եկեղեցու և ի վայելումն հայ ազգին:
Մատչիմ ի համբոյր Ձերդ Սրբության Սուրբ և Օծյալ Աջոյն
- 2016-02-04