Նորակոչիկները զինվորական երդում տվեցին Աստծո տան բակում
Փետրվարի 6-ին Արարատյան Հայրապետական թեմի Ս. Երրորդություն եկեղեցում թեմի առաջնորդական փոխանորդ Գերաշնորհ Տ. Նավասարդ արքեպիսկոպոս Կճոյանի օրհնությամբ տեղի ունեցավ ՀՀ ԶՈՒ 5-րդ բանակային զորամիավորման Անդրանիկ Օզանյանի անվան զորամասի նորակոչիկների երդման արարողությունը:
Նորակոչիկներին Ս. Երրորդություն եկեղեցու հոգևոր հովիվ Տ. Զենոն քահանա Բարսեղյանը և զորամասի հոգևոր սպասավոր, ավագ գնդերեց Տ. Ենովք քահանա Եսայանը զինվորներին նվիրեցին Ավետարան, աղոթագրքեր ու սրբապատկերներ: Երման արարողությունից հետո եկեղեցու բակում տեղի ունեցավ զինվորական շքերթ, որն ընդունեց զորամասի հրամանատար գնդապետ Արտակ Տոնոյանը:
Զինվորներին շնորհավորեց ու քաջալերող խոսքով ելույթ ունեցավ զորամասի գնդերեց Վոլոդյա սարկավագ Նաջարյանը:
Ավարտին Ս. Երրորդություն եկեղեցում կատարվեց զինվորների օրհնության կարգ: Արարողությանը մասնակցում էին զինվորների ծնողներն ու հարազատները:
Արարատյան Հայրապետական թեմի տեղեկատվական բաժին
- 2016-02-06