Ս. Խաչի տոնի կապակցությամբ օգնություն տրամադրվեց շուրջ 60 ընտանիքի
Սեպտեմբերի 5-ին Արարատյան Հայրապետական թեմի Մալաթիայի Ս. Աստվածածին եկեղեցում իրականացվեց հերթական բարեգործական ծրագիրն՝ ուղղված համայնքի անապահով ընտանիքներին:
Ս. Խաչի տոնի կապակցությամբ Արարատյան Հայրապետական թեմում իրականացվող բարեգործական ծրագրի շրջանակում այսօր շուրջ 60 ընտանիք ստացավ հագուստ, կոշիկ, դպրոցական պարագաներ, գրենական պիտույքներ:
Միջոցառումը կազմակերպվել էր «Ազգային մակարդակում սոցիալական համագործակցության համաձայնագրի» խորհրդի անդամ, շուրջ 12 տարի բարեգործությամբ զբաղվող Հերմինե Սարգսյանի աջակցությամբ:
Մինչ օգնության բաշխմանն անցնելն ԱՀԹ Մալաթիայի Ս. Աստվածածին եկեղեցու հոգևոր հովիվ Տ. Տիրան ավագ քահանա Առուշանյանը ներկայացրեց տոնի խորհուրդը, բժշկության աղոթք ասաց և օրհնեց բոլոր ներկաներին:
Արարատյան Հայրապետական թեմի տեղեկատվական բաժին
- 2016-09-05