Խորագե՛տ եղեք օձերի պես և միամիտ՝ աղավնիների նման (Մատթ. 10:16)
Անկեղծ, անկաշկանդ մթնոլորտ, հոգևոր գիտելիքների փոխանցում` զուգահեռ երեխաների համար զվարճալի խաղերի կազմակերպմանը…
«Կանա» մանկական դասընթացի հանդիպումները բնութագրող այս խոսքերը ծանոթ են մշտական մասնակիցներին, բայց նորություն էին կիրակնօրյա այս հանդիպմանը մասնակցող նորեկ աշակերտների համար:
Կարևորելով հոգևոր արժեքների դաստիարակմամբ սերնդի կրթության և ժամանցի արդյունավետ կազմակերպման գործոնը՝ Երևանի հ. 181 հիմնական դպրոցի ուսուցչուհի, դասղեկ Լիլիթ Ծատուրյանի նախաձեռնությամբ «Կանա» մանկական էին այցելել երրորդ դասարանի աշակերտներն՝ իրենց ծնողների հետ:
Հանդիպման սկզբում Տեր Տաճատ ավագ քահանա Դավիդյանն առաջնորդանիստ Ս. Սարգիս եկեղեցում կատարեց երեխաների օրհնության կարգ: Ապա զրույցը շարունակվեց ԱՀԹ առաջնորդարանում: Տեր հայրը երեխաներին պատմեց «Մեծահարուստ հիմարը» առակը և ներկայացրեց առակի խորհուրդը՝ կարևորելով չքավորներին օգնելը, միմյանց սիրելը: Քահանան հորդորեց երեխաներին լինել ընթերցասեր՝ երկար ժամանակ համակարգչի առջև վատնելու և տեխնիկական այլ սարքերով զբաղվելու փոխարեն:
Տեր հայրը նաև խրատեց, որ չպետք է միայն խոսել, այլ պետք է խոսքը գործով ապացուցել:
Մանկական քրիստոնեական դաստիարակության հանդիպումները կազմակերպվում են յուրաքանչյուր չորեքշաբթի՝ ժ. 19.00-ին և կիրակի՝ ժ.13.00-ին:
Պատրաստեց Նարե Ոսկանյանը
- 2016-11-28