Վեհափառ Հայրապետն այցելեց Արարատյան Հայրապետական թեմ Ն.Ս.Օ.Տ.Տ. Գարեգին Բ Հայրապետն այսօր այցելեց Արարատյան Հայրապետական թեմի առաջնորդարան: Արարատյան Հայրապետական թեմի առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանը ներկայացրեց թեմի աշխատակազմին: Վեհափառ Տերը զրուցեց աշխատակիցներից յուրաքանչյուրի հետ, ծանոթացավ նրանց գործունեությանն ու թեմի ապագա ծրագրերին: Վեհափառ Հայրապետն իր օրհնությունը տվեց և շնորհակալություն հայտնեց ԱՀԹ-ի աշխատակիցներին` իրենց գործունեությունն ի նպաստ Հայ Առաքելական Սուրբ Եկեղեցու զորացմանը ծառայեցնելու համար:
Արարատյան Հայրապետական թեմի մամլո դիվան
