Աուդիոգրքերի կայքի շնորհանդեսը ԱՀԹ-ի առաջնորդարանում Մարտի 4-ին ԱՀԹ-ի առաջնորդարանում տեղի ունեցավ www.audiobook.am կայքի շնորհանդեսը, որին ներկա էին ԱՀԹ առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանը, ՀՀ վարչապետ Տիգրան Սարգսյանը, Երևանի քաղաքապետ Տարոն Մարգարյանը, նախարարներ, գործարարներ, մշակությի գործիչներ:Միջոցառումը սկսվեց «Հայր մեր» աղոթքով, որ կատարեց Առաջնորդանիստ Ս. Սարգիս եկեղեցու «Արարատ» երգչախումբը: Գերաշնորհ Սրբազան հայրը օրհնության իր խոսքում նշեց, որ ողջունում է այս ձեռնարկը, որը հնարավորություն կտա հայորդիներին ձեռք բերել հոգևոր սնունդ նորագույն տեխնոլոգիաների միջոցով: Audiobook.com կայքի համասեփականատերն ու մտահաղացման հեղինակը Նարեկ Մալյանն է, ով իր խոսքում նշեց, որ նկատելով ընթերցասերների ժամանակի, պայմանների, միջավայրի բացակայությունը, բայց ընթերցանության նկատմամբ սերը, ձեռնամուխ եղավ կայքի ստեղծմանը` միացնելով մշակութային և ժամանակակից տեխնոլոգիաները: Կայքը հնարավորություն է տալիս ավելի մատչելի եղանակով ծանոթանալ մեր պատմական ժառանգությանը, ինչպես նաև նպատակ ունի հայոց լեզվի շուրջ միավորելու սփյուռքի մեր հայրենակիցներին, ովքեր դժվարանում են հայերեն կարդալ: Կայքում կա նաև հոգևոր գրականություն` Ավետարան, Նարեկ և այլն:

Արարատյան Հայրապետական թեմի մամլո դիվան