Այցելություն ՀՕՖ-ի Երեխաների Աջակցության Կենտրոն Մարտի 13-ին ԱՀԹ-ի Մասիսի Ս. Գևորգ եկեղեցու երիտասարդաց միության անդամները հոգևոր հովիվ Տեր Աշոտ քահանա Սաֆարյանի գլխավորությամբ այցելեցին ՀՕՖ-ի Երեխաների Աջակցության Կենտրոն: Եկեղեցու թատերական խմբակի անդամները երեխաների համար բեմադրեցին Ս. Գևորգի վարքը, իսկ երգչախումբը շարականների երգեցողությամբ հանդես եկավ Կենտրոնում: «Ուրախ ենք, որ ձեր այցելությամբ հոգևոր քաղցրություն հաղորդեցիք մեր առօրյային»,- իր խոսքում նշեց ԵԱԿ-ի տնօրեն Տիկին Միրա Անտոնյանը: Երիտասարդները խոստացան կրկին այցելել երեխաներին հոգևոր հովվի շաբաթական այցերի ժամանակ:ԱՀԹ առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանի օրհնությամբ ու տնօրինությամբ Տ. Աշոտ քահանա Սաֆարյանը 2010 թ. ամեն երեքշաբթի այցելում է այս կենտրոն և զբաղվում սոցալապես անապահով ընտանիքներից այստեղ հավաքված երեխաների հոգևոր կրթությամբ: