Դեկտեմբերի 1-ին Մասիսի Ս. Թադեոս եկեղեցում տեղի ունեցավ Սուրբ և անմահ պատարագ` նվիրված Ս. Թադեոս և Բարդուղիմեոս առաքյալների հիշատակին։ Պատարագիչը Տեր Արարատ քահանա Օրդոյանն էր։ Մասիսի Ս. Թադեոս եկեղեցում էին նաև Վեդու Ս. Աստվածածին եկեղեցու երիտասարդներն ու մի խումբ հավատացյալներ ՝ Տեր Հովակիմ քահանա Հարությունյանի առաջնորդությամբ։ Ուխտի եկած բոլոր հավատացյալները մասնակցեցին Սուրբ պատարագին, հայցեցին սրբերի բարեխոսությունը, ինչպես նաև հաղորդվեցին Քրիստոսի Մարմնին և Արյանը։ Հավարտ պատարագի մասնակից հավատացյալները ներկա գտնվեցին եկեղեցու բակում կազմակերպված գեղեցիկ միջոցառմանը՝ նվիրված սրբերի հիշատակին, որն ուղեկցվեց նաև երգ ու պարով ։