Թեմ TV. հոգևոր քարոզչության նոր հարթակ
Արարատյան Հայրապետական թեմի առաջնորդական փոխանորդ Տ. Նավասարդ արքեպիսկոպոս Կճոյանի օրհնությամբ և թեմի տեղեկատվական բաժնի նախաձեռնությամբ մեկնարկեցին «Թեմ TV» ինտերնետային ալիքի աշխատանքները։
«Թեմ TV» ինտերնետային ալիքի հիմնական առաքելությունը հոգևոր քարոզչություն իրականացնելն է, և մատչելի կերպով Աստծո խոսքն ավելի լայն լսարանին հասցնելը: Ինտերնետային ալիքը կանդրադառնա թեմի համայնքներում առկա խնդիրներին և հավատացյալներին հուզող հարցերին: Այս հարթակի միջոցով կներկայացվի նաև թեմի համայնքային կյանքը, հավատացյալների հոգևոր կարիքները: Կամավորների այն մեծ խումբը, որն այսօր աշխատում է Թեմ TV-ում, կանի ամեն բան՝ հետաքրքիր և բազմաբովանդակ հաղորդումներ մատուցելու իր լսարանին։
«Թեմ TV» ինտերնետային ալիքի շրջանակներում կպատրաստվեն հոգևոր, եկեղեցական, մշակութային թեմաներով հաղորդումներ, տոների մասին իրազեկող հոլովակներ, կլուսաբանվեն ազգային, եկեղեցական, թեմական, հասարակական, մշակութային իրադարձություններ:
«Թեմ TV»-ն նաև հարթակ է այն երիտասարդների համար, ովքեր ցանկանում են անվճար սովորել հեռուստառեժիսուրա և ստանալ համապատասխան գիտելիքներ՝ հետագայում իրենց հաղորդումները նկարահանելու համար։
«Թեմ TV»-ի հաղորդումներին կարող եք հետևել յութուբյան ալիքով և ֆեյսբուքյան էջի միջոցով:
- 2018-12-10