Մարտի26-ին Արարատյան Հայրապետական Թեմի առաջնորդական փոխանորդ Տ. Նավասարդ արք. Կճոյանի օրհնությամբ և Վոլրդ Վիժն Հայաստան բարեգործական կազմակերպության աջակցությամբ երևանանբնակ սիրիահայ համայնքի հետ ԱՀԹ Զորավոր Ս. Աստվածածին եկեղեցու հոգևոր հովիվ Տ. Գրիգոր քհն. Գրիգորյանը կատարեց ուխտագնացություն դեպի Կեճառիսի վանական համալիր: Ուխտավորներին դիմավորեց եկեղեցու վանահայր Տ. Շահան քհն. Միրզոյանը: Տեր հայրը ներկայացրեց եկեղեցու պատմությունը, ինչից հետո կատարվեց արևագալի ժամերգություն և ընդհանրական աղոթք Քեսաբի և ընդհանրապես Սիրիայի խաղաղության համար: