Այսօր Արարատյան Հայրապետական թեմի Նոր Նորքի Ս. Սարգիս եկեղեցու հոգևոր հովիվ Տ. Նորայր ավագ քահանա Բաղդասարյանը այցելել է Սուրբ Գրիգոր Լուսավորիչ բժշկական կենտրոնում բուժվող տուժածներին, ովքեր վիրավորվել էին երեկ Հյուսիսային պողոտայում տեղի ունեցած պայթունի ժամանակ։ 

Տեր հայրը նախ հանդիպել է գիշերը վիրահատություն տարած ութամյա Ռուբինային ու նրա եղբորը, ովքեր ամենից շատն էին վնասվել, զրուցել է նրանց հետ, բժշկության աղոթք կարդացել ու շուտափույթ ապաքինում մաղթել։ Տեր Նորայրը նրանց խոստացել է կրկին այցելել։ 

Այնուհետ Տեր հայրը  այցելել է Ռուսաստանի Դաշնության վիրավորված քաղաքացիներին, ովքեր ևս բժիշկների հսկողության տակ են։ Նրանց համար ևս տեր հայրը բժշկության աղոթք է կարդացել ու առողջություն մաղթել։

Տուժածներից Իրանի քաղաքացիներն այցելության պահին արդեն դուրս էին գրվել հիվանդանոցից։ 

Արարատյան Հայրապետական թեմի տեղեկատվական բաժին