Ապրիլի 10-ին Արարատյան Հայրապետական Թեմի «Զորավոր» երիտասարդաց միության երգչախմբի մասնակցությամբ Հովհաննես Թումանյանի թանգարանում տեղի ունեցավ միջոցառում «Զատկական տոնին ընդառաջ» խորագրով: Միջոցառմանը ներկան էին Հ. Թումանյանի թանգարանի տնօրեն տիկին Նարինե Թուխիկյանը, թանգարանի աշխատակազմը, հրավիրյալ հյուրեր: Միջոցառման բացվեց Տերունական աղոթքով, այնուհետև Տ. Զենոն քահանա Բարսեղյանը ողջունեց հավաքվածներին ու խոսեց Ս. Հարության տոնի խորհրդի մասին: Այնուհետև ելույթ ունեցավ «Զորավոր» երիտասարդաց միության երգչախմուբը: