Ապրիլի 20-ին Սուրբ Երրորդություն եկեղեցու բակում «Ջի Էմ ՋԻ» մեդիա գրուպ ընկերությունը կազմակերպել էր ցուցահանդես-փառատոն` նվիրված Սուրբ Զատկին: Ցուցահանդեսը բարեգործական էր. նպատակն էր աջակցել Մերի Թոփսակալյանի ապաքինմանը: Ցուցահանդեսին ՀՀ-ում գործող ընկերությունների և անհատ ձեռներեցներ ներկայացրել էին Զատկի տոնը խորհրդանշող ուտեստները, խմիչք, ձեռքի աշխատանքներ և այլն: Ցուցահանդեսի ժամանակ իրենց աշխատանքներն էին ներկայացրել նաև սիրիահայ գործարարները: Միջոցառումը լի էր մշակութային ծրագրով: Մասնակցում են մանկատան սաներ, Մայր Աթոռ Սուրբ Էջմիածնի և ՀԲԸՄ Հայորդյաց տան սաները: