Փետրվարի 20-ին ԱՀԹ Ներքին Դվինի Ս. Հարություն եկեղեցում անցկացվեց նորաստեղծ «Հայորդի» թերթում հայտարարված մրցույթների հաղթողների պարգևատրությունը: Յուրաքանչյուր մրցույթից 3-ական հոգի արժանացան պատվոգրերի և նվերների՝ «Մատյան ողբերգության», աղոթագրքեր։

Հաղթողները Ներքին Դվին, Հնաբերդ և Բերդիկ գյուղերի միջնակարգ դպրոցների աշակերտներ էին։

Սա ևս մեկ քայլ է թերթի գլխավոր նպատակին հասնելու համար, որն է՝ նպաստել Արարատի մարզի եկեղեցական համայքների մշակութային և հոգևոր կյանքի աշխուժացմանը և միմյանց միջև կապի ամրապնդմանը։

Հասմիկ Թամամյան