Ապրիլի 23-ին Արարատյան Հայրապետական թեմի առաջնորդական փոխանորդ Տ. Նավասարդ արքեպիսկոպոս Կճոյանի օրհնությամբ թեմի երիտասարդաց միությունների անդամները Տ. Պետրոս ավագ քահանա Մալյանի գլխավորությամբ խաչվառներով ու խաչով մասնակցեցին ջահերով երթին դեպի Ծիծեռնակաբերդի հուշահամալիր:
Ոգեկոչման երթին միացել էին նաև Արարատյան Հայրապետական թեմի «Կանա» քրիստոնեական, կրթական կենտրոնի «Կանա-Սինգլ» ակումբի երիտասարդները: Նրանք որպես երթի կարգախոս վերցրել էին Վիլյամ Սարոյանի խոսքերը. «Ուր որ կերթաս` պոռա Հայաստան: Հայը եղել է, կա ու կլինի՝ չփոխելով իր դավանանքը, շարունակելով հայ գենի ինքնությունը»:
Թեմի երիտասարդներն ամեն տարի մեծ ոգևորությամբ են մասնակցում երթին`վերարժևորելով հայրենասիրության ու ազգային ինքնության գիտակցումը և խնդրելով նահատակ սրբերի բարեխոսությունը:
Ծիծեռնակաբերդում Տ. Պետրոս ավագ քահանա Մալյանի գլխավորությամբ կատարվեց Ցեղասպանության սուրբ նահատակների բարեխոսության կարգ:
