Արարատյան Հայրապետական թեմի առաջնորդական փոխանորդ Տեր Նավասարդ արքեպիսկոպոս Կճոյանի օրհնությամբ լույս է տեսել Տեր Գրիգոր քահանա Գրիգորյանի քարոզների ժողովածուն:

Գրքում ժողովված են Տեր Գրիգոր քահանա Գրիգորյանի՝ 2014-2019 թվականներին Երևանի Զորավոր Սուրբ Աստվածածին եկեղեցում խոսած քարոզները:

Գիրքը նախատեսված է ինչպես հոգևոր ճեմարանների ու դպրոցների ուսանողների, այնպես էլ հավատացյալների համար, ովքեր գրքում կարող են գտնել շատ հարցերի պատասխաններ՝ քրիստոնեական հարցերին վերաբերող:

Գրքի շապիկի նկարում պատկերված է 19-րդ դարի մասունքակիր արծաթյա խաչ, որն այսօր պահվում է Երևանի Զորավոր Սուրբ Աստվածածին եկեղեցում, որի հոգևոր հովիվն է Տեր Գրիգորը:

«Քարոզներ» գիրքը հրատարակվել է եկեղեցու համայնքի անդամ տիկին Նարինե Հակոբյանի հովանավորությամբ՝ ի հիշատակ իր ամուսնու` Հրաչ Վարդանյանի:

Արարատյան Հայրապետական թեմի տեղեկատվական բաժին