Գերաշնո՛րհ Սրբազան Հայր, Արարատյան Հայրապետական թեմի հավատացելոց և հոգևոր դասի անունից շնորհավորում ենք Ձերդ Սրբազնությանը Արարատյան Հայրապետական թեմում 20-ամյա եկեղեցական գործունեության առթիվ:
Աստվածային նախախնամությամբ շուրջ երկու տասնամյակ է, ինչ Ձեր առաջնորդական վերատեսչությամբ ամենքիս ներշնչում եք ամուր հավատքով ապրելու և մեր սուրբ հայրերի թողած ճշմարտության ուղիներով անսայթաք քայլելու կերպը:
Մեր աղոթքն է, որ Ամենազոր Աստված Ձեզ պարգևի քաջառողջություն, արևշատություն, շարունակական կենսունակություն և անսպառ եռանդ եկեղեցանվեր և անձանձիր ծառայությունն առավել արդյունավոր դարձնելու համար: Թող Բարձրյալն Աստված Իր Ամենազոր Աջով և Սուրբ Խաչի նշանով զորակից ու մարտակից լինի Ձեզ՝ ի փառս Աստծո և ի պայծառություն Հայոց Սուրբ Եկեղեցու:
Մատչիմք ի համբոյր Ձերդ Սրբազնութեան Սուրբ Աջոյն:
