Արարատյան Հայրապետական թեմի առաջնորդական փոխանորդ Գերաշնորհ Տեր Նավասարդ արքեպիսկոպոս Կճոյանի օրհնությամբ` Նորագավթի Սուրբ Գևորգ եկեղեցու հոգևոր հովիվ Տեր Ղուկաս քահանա Բալայանը երիտասարդաց միության անդամների հետ միասին այցելեց Սուրբ Մարիամ Աստվածածնի անունը կրող «Սուրբ Աստվածամայր» բժշկական կենտրոն մանկական հիվանդանոց։

Այցն իրականացվում էր Սուրբ Մարիամ Աստվածածնի հղությունը Սուրբ Աննայից տոնի առթիվ:
Այցի ընթացքում Տեր Ղուկաս քահանա Բալայանը բժշկության աղոթք կարդաց հիվանդանոցում բուժվող մանուկների և նրանց ընտանիքների համար: Տեր հայրը օրհնեց հիվանդանոցում բուժվող մանուկների, մաղթեց շուտափույթ ապաքինում և օրհնված խաչեր նվիրեց:

Արարատյան Հայրապետական թեմի տեղեկատվական բաժին