Դեկտեմբերի 14- ին Հայ Առաքելական Սուրբ եկեղեցին նշեց Սուրբ Հակոբ Մծբնա Հայրապետի տոնը:

Մրգավանի Ս. Հակոբ եկեղեցում այսօր մեծ շուքով նշեցին սիրված սրբի տոնը: Առավոտյան ժամը 10:30-ին Սրբի անունը կրող եկեղեցում Արարատի մարզի հոգևոր տեսուչ Տեր Գևորգ եպիսկոպոս Սարոյանի հանդիսապետությամբ մատուցվեց Սուրբ և Անմահ պատարագ:

Պատարագիչը եկեղեցու հոգևոր հովիվ Տեր Պարգև քահանա Պալգևորգյանն էր:

Պատարագին ներկա էին մի խումբ հավատացյալներ, ովքեր հնարավորություն ունեցան խոնարհվելու եկեղեցում գտնվող Հրաշագործ Սրբի մասունքը կրող շիրիմի առաջ:

Արարատյան Հայրապետական թեմի տեղեկատվական բաժին