Դեկտեմբերի 28-ին Մասիս քաղաքում գործող Հայկական Կարմիր խաչ ընկերության բարեգործական ճաշարան այցելեցին Մասիսի քաղաքապետ Դավիթ Համբարձումյանը և Արարատի մարզի հոգևոր տեսուչ Գերաշնորհ Տեր Գևորգ եպիսկոպոս Սարոյանը: Նրանց նախաձեռնությամբ ու աջակցությամբ ճաշարանում նշվեց Ամանորը:

Հայ Առաքելական եկեղեցու հոգևոր սպասավորները սիրով մատուցեցին սնունդը յուրաքանչյուրին՝ փոխանցելով նաև իրենց օրհնությունը:

Նախաձեռնությունն ավարտվեց տոնական երգ ու պարով: Իրենց օրը տոն դարձնողներին ճաշարանի շահառուները հայտնեցին իրենց երախտիքը:

Նշենք, որ  Մասիսի քաղաքապետ Դավիթ Համբարձումյանը և Արարատի մարզի հոգևոր տեսուչ Գերաշնորհ Տեր Գևորգ եպիսկոպոս Սարոյանը Ամանորի նախաշեմին այց են կատարել նաև Մասիս քաղաքում գործող «Առաքելություն Հայաստան» կազմակերպության կողմից բացված բարեգործական ճաշարան:

Արարատյան Հայրապետական թեմի տեղեկատվական բաժին