Նոր Նորքի Սուրբ Աստվածածին եկեղեցու երիտասարդաց միությունն այցելեց Զորավոր Սուրբ Աստվածածին եկեղեցի

Օրերս Նոր Նորքի Սուրբ Մարիամ Աստվածածին եկեղեցու «Որդիք Լուսոյ» երիտասարդաց միությունն ուխտավորաբար այցելել է Սուրբ Զորավոր եկեղեցի։

Երիտասարդներին դիմավորեց Զորավոր Սուրբ Աստվածածին եկեղեցու խորհրդակատար Տեր Վահան քահանա Առաքելյանը, ով նաև իրականացրեց օգտակար շրջայց՝ ներկայացնելով Զորավոր Սուրբ Աստվածածին եկեղեցու ընդհանուր պատմությունը և եկեղեցու մասին ուշագրավ փաստերը։

Այնուհետև տեղի երիտասարդաց միության հետ տեղի ունեցավ հետաքրքիր և հոգեշահ զրույց։

«Որդիք Լուսոյ» երիտասարդաց միությունն իրականացնում է այցելություններ ԱՀԹ երիտասարդաց միություններ, որի նպատակը Երևանում բնակվող եկեղեցասեր երիտասարդների միջև ջերմ և բարեկամական հարաբերությունների ստեղծումն ու ամրապնդումն է։

Արարատյան Հայրապետական թեմի տեղեկատվական բաժին