Նորագավթի Սուրբ Գևորգ եկեղեցու համայնքում կազմավորվել է պատանիների խումբ: Նրանք մասնակցում են կիրակնօրյա դպրոցում անցկացվող դասերին, ժամերգություններին, սերտողություններին ու հոգևոր հանդիպումներին։ Այս նախաձեռնությունը մեծ մասամբ կրթական է: Երեխաները գիտելիքներ են ստանում Եկեղեցու և քրիստոնեության մասին, սովորում են, կրթվում՝ դառնալով գիտակից քրիստոնյաներ:
Իրենց հմտությունները զարգացնելուն զուգահեռ՝ երեխաներն այն ծառայեցնում են նաև հօգուտ եկեղեցու: Նրանք սիրով են հաճախում խմբակ և ամեն անգամ հեռանում են՝ հոգևոր գիտելիքների ավելի մեծ պաշարով:
Ի դեպ, պատանիների խմբին միանալ ցանկացողները կարող են անդամագրվել՝ դիմելով եկեղեցու հոգևորականներին:
Արարատյան Հայրապետական թեմի տեղեկատվական բաժին
