Սիրելի՛ հավատավոր եղբայրներ և քույրեր,

Մեր Հայրենիքի համար այս դժվարին օրերին Արարատյան Հայրապետական թեմի բոլոր եկեղեցիներում ամեն օր` առավոտյան` ժամը 9.00-ին, և երեկոյան` ժամը 17.00-ին, ժամերգությունների ավարտին կատարվելու է Զինվորների օրհնության կարգ: Կոչ ենք անում բոլորիդ՝ եկեղեցի գալով, տանից կամ աշխատավայրից, միացե՛ք մեր աղոթքներին: Թող Ամենակարող Տերը զորավիգ լինի մեր զինվորներին, անառիկ պահի մեր Հայրենիքի սահմանները, խաղաղություն պարգևի մեր բազմաչարչար ժողովրդին և մխիթարի մեր նահատակ հերոսների ընտանիքներին:

Աղոթաբար՝ Արարատյան Հայրապետական թեմի տեղեկատվական բաժին