Այս օրերին Արարատյան Հայրապետական թեմը մշտապես գտնվում է Արցախից ժամանած ընտանիքների կողքին՝ իր հոգևոր և նյութական աջակցությունը ցուցաբերելով նրանց: Այսօր՝ հոկտեմբերի 7-ին էլ թեմն ընդունեց այս պահին Հայաստանում ապաստան գտած մի խումբ արցախցի ընտանիքների:
Արարատյան Հայրապետական թեմի Առաջնորդանիստ Սուրբ Սարգիս եկեղեցում կատարվեց նաև օրհնության կարգ: Աղոթք բարձրացվեց հայրենիքի և նրա սահմանները անառիկ պահող զինվորների համար:
Ապա Հայաստանում ժամանակավորապես ապաստանած արցախցիներին տրամադրվեց դրամական աջակցություն, որ փոխանցել էին Շվեցարիայի և Լիխտենշտայնի հայ համայնքը։
Այսքանով, բնականաբար, չեն ավարտվում թեմի սոցիալական ծրագրերը. ամենամեծ աջակցությունն այս պահին Արարատյան Հայրապետական թեմն ուղղում է հայոց բանակին և նրա զինվորներին:
Արարատյան Հայրապետական թեմի տեղեկատվական բաժին
